Çdo ditë e më shumë po flitet për kalimin e fituesit të Topit të Artë në radhët e Manchester United, aty ku mori shkëlqimin si lojtar. Cristiano Ronaldo nuk po ndjehet komod te Real Madrid, ndërsa lajmet e fundit flasin gjithnjë e më tepër për bashkimin me Mourinhon në Manchester.
Sipas medias spanjolle “La Sexta”, José Mourinho mësohet se ka dhënë dritën e jeshile për rikthimin te Manchester United të Cristiano Ronaldos. Kthimi i CR7 në Old Trafford do të përfshinte një investim prej 400 milionë euro, 200 prej të cilave do të përfundojnë në arkën e Real Madridit. Një mega-operacion që do të financohet pjesërisht nga të ardhurat që vijnë nga sponsorizimet.
