Carvajal ka reaguar ndaj shkrimit të “Cuatros” që e njollosi emrin e spanjollit pas ndeshjes me Numancian.
Sipas “Cuatro”, Carvajal i ka thënë lojtarit të Numancias mbrëmë në fitoren 3:0 të Real Madridit në kuadër të Copa del Rey, se ‘ata kurrë nuk do të promovohen në La Liga’.
“Gjest i ulët nga Carvajal, i thotë lojtarit të Numancias se ata kurrë nuk do të promovohen në La Liga”, shkruan Cuatro.
Reagimi i spanjollit të Real Madridit ishte i menjëhershëm në rrjetet sociale.
“Gjëja më e ulët është nga ana juaj që shpikni gjëra që nuk kanë dal nga goja ime. Kam folur për mënyrën e të luajturit. I uroj fat Numancias në arritjen e objektivave”, ka shkruar Carvajal në “Twitter”.
