Coutinho do a bartë numrin ‘14’ te Barcelona, raporton Fox.
Philippe Coutinho do ta bartë numrin ‘14’ te Barcelona, që aktualisht e ka argjentinasi, Javier Mascherano, ky i fundit do të transferohet në Kinë – kështu raporton Fox në versionin argjentinas.
U raportua se Coutinho do ta marrë numrin ‘7’ pas largimit të Arda Turan, por Fox raporton se ky numër është i rezervuar për sulmuesin e Atletico Madridit, Antoine Griezmann.
Barça do të tentojë në të gjitha mënyrat që ta transferoje francezin gjatë verës.
Një gjë të tillë e ka pranuar edhe Guillermo Amor, drejtor i Marrëdhënieve Institucionale të Barcelonës, i cili nuk e ka mohuar se tashmë kanë nisur tentativat për blerjen e 26 vjeçarit.
