Gabigol është prezantuar përsëri me tifozët e tij. Sulmuesi në pronësi të Inter është kthyer te Santos për të provuar të rikthehet vendimtar në fushën e lojës pas një viti e gjysmë të mbushur me zhgënjime. Ai do të marrë fanellën me numrin 10-të, ajo që ka qenë e Pele.
Ja çfarë ka thënë në konferencë për shtyp: “Ka ndodhur gjithçka shumë shpejt. Jam i lumtur që do të kthehem të vesh këtë fanellë, dashuria ime për Santos është e përjetshme. Jam një tifoz i Santos që në fëmijëri. Tani jam më i pjekur, kam më shumë eksperiencë dhe nëse do të luaj mirë mund të shpresoj që të kthehem në kombëtare”.
Në lidhje me Inter-in: “Kam gabuar kur jam larguar nga stoli. Kam kërkuar falje një ditë më pas. Virtyti më i madh i një njeriu është të dijë të mësojë nga gabimet e veta. Fanella e Brazilit është një objektiv. Duhet të paraqitem mirë me Santos dhe më pas thirrja në kombëtare do të jetë një pasojë. E ardhmja? Po të varej nga mua, do të qëndroja përgjithmonë te Santos”.
