Java e 19-të e kampionatit gjerman do të hapet me ndeshjen Hertha-Borussia Dortmund, që do të zhvillohet në “Olympiastadion” të premten në mbrëmje (20:30).
Hertha Berlin
Trajneri i vendasve, Pal Dardai, nuk do të ketë në dispozicion qendërmbrojtësin Karim Rekik dhe sulmuesin e krahut Palko Dardai. Alexander Essëein, sulmuesi tjetër i krahut, ka qenë me grip, por duhet të jetë në dispozicion për ndeshjen.
Lojtari Kyç
Hertha ka disa lojtarë të rrezikshëm në sulm, por më miri mes tyre ka qenë ish-lojtari i Chelsea Salomon Kalou. Afrikani ka realizuar shtatë gola në Bundesliga. Forma e mirë që po kalon e bën atë rrezikun numër një për mbrojtjen e miqve.
Borusia Dortmund
Peter Stoger mund të mos ketë në dispozicion mbrojtësit Raphael Guerrero dhe Marcel Schmelzer, mesfushorin Sebastian Rode dhe lojtarët e krahut, Max Philipp, Marco Reus dhe Jacob Larsen out. Nuk dihet akoma se çfarë do të ndodhë me sulmuesin Pierre-Emerick Aubameyang, i cili flitet se ka arritur një marrëveshje me Arsenal-in.
Lojtari Kyç
Për shkak të situatës së paqartë të Aubameyang, Dortmund mund të jetë e detyruar t’i gjejë golat nga dikush tjetër. Një lojtar që mund të zëvendësojë afrikanin është amerikani Christian Pulisic, i cili është një nga ata lojtarë që mund të bëjnë diferencën.
Shifra dhe Fakte
– Borussia ka fituar 30 nga 64 ndeshjet e luajtura kundër Hertha Berlin, me këta të fundit që kanë marrë 18 fitore, ndërsa 16 takimet e tjera janë mbyllur në barazim.
– Hertha ka mbajtur rrjetën e portës të paprekur vetëm në dy nga 18 ndeshjet e fundit të luajtura kundër Dortmund në Bundesligë.
– Mbi 2.5 gola për ndeshje janë realizuar në 6 nga 7 ndeshje e fundit të kampionatit që Hertha ka luajtur në shtëpi.
