Zlatan Ibrahimovic i ka goditur kritikët e tij në Suedi, vendin e lindjes, të cilët nuk mund ta pranojnë për atë që është ai. Sulmuesi i Manchester United thotë se ende përballet me sulme nga “shtëpia” e lindjes, pavarësisht nga karriera e tij e shquar.
Lojtari i drejtpërdrejtë beson se suedezët duhet t’i tregojnë atij më shumë respekt, për atë që ka bërë për vendin si futbollist në nivel klubesh dhe ndërkombëtar. Dhe, në një intervistë për stacionin televiziv francez “Canal +” me ish-yllin e Leeds, Oliver Dacourt, 36-vjeçari nuk i maskon mendimet e tij:
“Çfarë do të thonë mediat suedeze? A më mbrojnë, apo më sulmojnë? Ato ende më sulmojnë mua, sepse nuk mund ta pranojnë që unë jam Ibrahimovic. Ndoshta unë jam lojtari më i mirë në historinë e Suedisë. Atë që kam bërë unë, askush tjetër s’e ka bërë në këtë vend“.
I pyetur nga Dacourt nëse reagimi i tyre vjen ngaqë mendojnë se është shumë arrogant, Ibrahimovic u përgjigj: “Kjo nuk ka rëndësi, unë jam më i miri. Tjetër si unë nuk ka”.
Ibrahimoviç sapo është kthyer në veprim, në Premier League, me Manchester United, pas nëntë muajsh, duke lënë mënjanë një lëndim të ligamentit në gju. Ish-sulmuesi i Barcelonës, Interit dhe Milanit kanë rënë dakord për një vit kontratë në “Old Trafford”, që shkon deri në fund të sezonit.
Por ai është ende duke punuar në rrugën e rikthimit të plotë, teksa deri më tani ka shënuar vetëm një herë në shtatë paraqitjet e bëra, në të gjitha garat.
