Nuk ka fitues në “Giuseppe Meazza”, Interi ka barazuar 1:1 me Romën.
Interi dhe Roma kanë ndarë pikët në xhiron e 21’të në Serie A, duke barazuar 1:1 në “Giuseppe Meazza”, raporton Gazeta Express.
Të parët në epërsi kaluan mysafirët, realizoi Stephan El Shaarawy në minutën e 31’të, i ndihmuar paksa edhe nga gabimi i Santon.
Në pjesën e dytë, vendasit tentuan dhe kishin disa raste dhe goli i barazimit erdhi në minutën e 86’të, nga Matias Vecino, që ishte goli i rezultatit përfundimtar, 1:1.
Ky barazim i lë Interin dhe Romën në pozitat katër dhe pestë, me nga 43 pikë, respektivisht 40.
