Futboll Premier League

Ish-trajneri e këshillon Hazard-in, largohu nga Chelsea dhe do të bëhesh më i miri

Eden Hazard është një “lojtar i lartë”, por mund të duhet të largohet nga Chelsea për një nga “ekipet e mëdha në Europë”, që të bëhet më i miri, – thotë Claude Puel.

 

Belgu ndërkombëtar konsiderohet gjerësisht si një nga talentet më të mirë në futbollin botëror, por aktualisht zë një vënd pak më poshtë sesa Lionel Messi dhe Cristiano Ronaldo. “Topi i Artë” mbetet një ëndërr për 27-vjeçarin, por për këtë duket se i duhet një lëvizje larg larg “Stamford Bridge”.

Puel, i cili ka punuar me talentin belg gjatë kohës së tij në Lille, mendon se mund të jetë vetëm një çështje kohe, para se të bëhet një veprim i tillë, ndërsa shefi i Leicester u thotë gazetarëve:

“Ai mund të vazhdojë të përparojë. Unë nuk e di nëse duhet të qëndrojë te Chelsea apo jo, a është ky një problem? Ai ka të gjitha cilësitë për të luajtur me të gjitha ekipet e mëdha në Europë. Eden mund të bëjë dallimin, kështu që për mua është një lojtar i nivelit të lartë në Europë”.

“Nuk është e mundur ta markosh atë, sepse nuk mund të luajë vetëm në të njëjtin pozicion. Ai është i lirë në sistem, mund të luajë në të majtë, në të djathtë, si sulmues, ose vetëm pranë një sulmuesi, ku ai kthehet për të marrë topin.

Chelsea është ndërtuar rreth Edenit, sepse është një lojtar i vlefshëm dhe lojtari i tyre më i rëndësishëm”.

Related posts

CHAMPIONS LEAGUE/ Të dy ndeshjet mes Chelsea dhe Porto do të luhen në të njëjtin stadium

Delo.autor

Buffon: Është më i miri i Juves, por po nuk dëgjoi këshillat…

Q.Autor

Arsenali TREMB Barcelonën/ Topçinjtë kërkojnë mesfushorin e talentuar

Isa.Autor

Leave a Comment