Sipas raportimeve, Manchester City i është bashkuar garës për të blerë mesfushorin e Nice, Jean-Michael Seri. Trajneri i Manchester City, Pep Guardiola pretendohet të ketë ndezur dritën jeshile që përfaqësuesit e “Qytetarëve” të takohen me menaxherin e futbollistit, për të diskutuar mbi një transferim të ardhshëm. Klubet më të mëdha në Europë po ndjekin nga afër yllin e Nice, mes të cilave, më të interesuarit janë edhe PSG, Barcelona dhe Liverpool.
“Mundo Deportivo” beson se kryesuesit e Premier League janë gati të shndërrohen edhe në klubin potencial për “rrëmbimin” e Seri, duke nisur kështu zhvillimin e bisedimeve. Kontrata aktuale e Seri skadon në vitin 2019, prandaj dhe klubi i Ligue 1 është i interesuar të përfshihet në diskutimet për të shitur futbollistin që këtë muaj, ose në fund të sezonit, duke mos dashur që Seri të largohet me kosto zero.
Nice pretendonte £35milionë në verën e kaluar, por është e ndërgjegjshme se me kalimin e kohës, afron skadimi i kontratës, dhe rrjedhimisht ulja e vlerës së futbollsitit. Raportohet se tratativat e Manchester City për Seri nuk ndikohen nga blerja ose jo e Alexis Sanchez nga Arsenal. Guardiola synon një tjetër mesfushor të fortë për të muluar vendin e Yaya Toure, pranë largimit nga klubi.