Në përfundim të ndeshjes Bologna – Benevento 3-0, më shumë se për rezultatin negativ, që ishte mëse i pritshëm, Ledian Memushaj u pyet për të ardhmen e tij, teksa ditët e fundit është folur shumë për një transferimit të Bari në Serinë B. 31-vjeçari i Kombëtares Shqiptare u tregua i sinqertë në këtë reagim, duke e lënë të hapur mundësinë e ndryshimit të ambientit.
“Unë nuk di asgjë për këto gjëra, nuk më interesojnë. Dëshiroja shumë të bëja një ndeshje të madhe ndaj Bolognas dhe të merrnim rezultat të mirë, por gjatë ndeshjes hoqëm dorë. Për merkaton flitet shumë, por që një marrëveshje të arrihet duhet të jenë dakort tre palë. Nuk dua të dal gënjeshtar, ndoshta qëndroj, por edhe mund të largohem. Është e kotë të betohem për besnikëri, kur edhe mund të iki. Problemi i të ardhmes sime nuk lidhet më aktivizimin tim. Fusha vendos këtë.”
Pak ditë më parë mediat italiane raportuan se Bari ka ofruar 500 mijë euro për kartonin e Memushajt.
