Kastrioti nuk ia doli në këtë sezon të qëndronte në elitën e futbollit shqiptar,. Krutanët do ta nisin edicionin e ri në Kategorinë e Parë, megjithatë synimi kryesor do të jetë kthimi i menjëhershëm i klubit në Kategorinë Superiore.
Në këtë mënyrë, drejtuesit e klubit po punojnë në merkato për të përforcua ekipin. Në këtë formë, afrimi më i fundit te Kastrioti është lojtari i Laçit Taulant Sefgjini. Sefgjini ishte pjesë e kurbinasve edhe për Kupat e Europës, megjithatë pas aventurës europiane ka vendosur të shkëputet me kurbinasit për të nisur një aventurë të re.
Kështu, Sefgjini i është bashkuar Kastriotit, teksa mbrojtësi do të japë kontributin e tij në objektivin kryesor të klubit krutan për sezonin e ardhshëm.
