Kamza e Ramadan Ndreut zhvilloi në Antalia miqësoren e katër, e vlefshme për përgatitjet e pjesës së dytë të sezonit. Blutë e kryeqytetit barazuan 1-1 ndaj rumunëve të Juventus Bukuresh.
Xhulio Mehmeti kaloi në avantazh të tijët në minutën e 4, ndërsa 5 minuta më vonë, skuadra nga Rumania barazoi shifrat. Kjo ishte miqësorja e fundit për Kamzën. Juventusi i Bukureshtit ndodhet në vendin e fundit në Superligën rumune, ndërsa Kamza mban vendin e 6-të në Kategorinë Superiore.
Skuadra shqiptare ka planifikuar edhe një miqësore të pestë në Antalia që do të zhvillohet nesër ndaj kazakëve të Fc Zhetysu. Në 4 takimet e zhvilluar ekipi shqiptar ka regjistruar 2 barazime dhe 2 humbje.
Por, dita e sotme ka qenë një ditë zie për presidentin e Kamzës, Naim Qarrin, pasi ka ndërruar jetë edhe babai i tij. Panorama Sport i shpreh familjes ngushëllimet më të sinqerta.
Kamza – Juventus Bukuresht 1-1
Kamza – Sepsei 1-1
Alaniaspor – Kamza 1-0
Gençerbirligi – Kamza 4-1
