Një lojtar nga Seria A i është ofruar ekipit të Partizanit nga menaxheri Elton Martini. Vetë menaxheri u shpreh në emisionin “Fair Play”, në “News 24” se i kishte propozuar klubit të kuq një lojtar nga Seria A.
Mësohet se lojtari quhet Abou Diop dhe është një sulmues senegalez në pronësi të Torinos, por për momentin është i huazuar te Basano, në Seria C. Në të kaluarën Diop ka luajtur me ekipe si Modena, Leçe, Krotone, Juve Stabia, etj.
Torino është klubi që ka kartonin e lojtarit, por në vitet e fundit sulmuesi nuk është mbajtur në ekip, por është huazuar në ekipe të tjera, kryesisht në Seria C.