Maurizio Sarri ka qenë i kënaqur me fitoren e marrë kundër Verona-s. “Kemi krijuar shumë dhe nuk e kemi humbur kurrë përqendrimin, duke mos i lejuar asnjë hapësirë kundërshtarit”, ka thënë ai.
Më pas kanë ardhur elozhet për treshen Callejon-Mertens-Insigne: “Janë lojtarë që bëjnë diferencën dhe detyra jonë është t’i krijojmë kushtet më të mira të mundshme që ata të shprehin aftësitë e tyre. Agjërimi i Mertens? Nëse luan kështu, mund të mos shënojë për gjithë vitin, është vënë në dispozicion të ekipit”.
Në lidhje me luftën për titull dhe deklaratat e Massimiliano Allegri-t se do të duhen 96 pikë për ta fituar atë: “E dimë se Juventus e ka potencialin për të kaluar 90 pikët, ata kanë vite që fitojnë dhe kanë më shumë besim. Ne nuk e dimë nëse jemi në gjendje ta bëjmë këtë sepse nuk e kemi bërë kurrë më parë, duhet t’i marrim ndeshjet me radhë dhe më pas do të shohim ku do të arrijmë”.
Në fund, ka ardhur edhe një koment për merkaton: “De Laurentiis kërkon Callejon-in e ri? Nëse kërkon një që të jetë kaq i fortë dhe njëkohësisht i ri, do të duhet të shpenzojë shumë. Idealja do të ishte një lojtar me teknikën e Verdi-t dhe shpejtësinë e Deulofeu-t”.
