Predrag Mijatovic ka folur për Neymarin, për spekulimet që e lidhin sulmuesin e PSG-së me Real Madridin.
Predrag Mijatovic nuk sheh asnjë arsye se pse Neymari dhe Cristiano Ronaldo nuk mund të luajnë së bashku në Santiago Bernabeu, teksa ish-sulmuesi i Los Blancos ka vetëm fjalë të mirë për yllin e Paris Saint-Germain.
Neymar u transferua në PSG gjatë verës që lamë pas për 222 milionë euro, por nuk duket i lumtur me jetën në Francë – që madje u vërshëllye edhe nga tifozët në sfidën e fundit, duke rritur edhe më shumë spekulimet se mund të largohet gjatë verës për t’u kthyer në Spanjë.
Raportohet vazhdimisht se nëse Neymar transferohet në Madrid, atëherë Ronaldo do të largohet – por fituesi i Champions League me Realin më 1998, Mijatovic, thotë se braziliani mund të “lulëzoi” përkrah portugezit.
“Personalisht, e dua Neymarin si lojtar”, Mijatovic tha për Marca. “Ai është magjik dhe do të kishte fituar zemrat e shumë tifozëve të Realit, apo ndoshta pothuajse të gjithëve”, u shpreh Mijatovic.
“Nëse ekziston mundësia për ta transferuar, do të jem personi i parë që them po, por nuk e di nëse është e mundur”.
“Nëse Neymari ka qenë në gjendje të shkojë mirë me Messin, atëherë nuk shoh asnjë arsye që të mos shkojë mirë edhe me Ronaldon”, theksoi mes tjerash Mijatovic.
