Khouma Babacar vijon të jetë një nga emrat më të lakuar në merkaton e Janarit, në Serinë A dhe jo vetëm. Sulmuesi i Fiorentinës nuk pranon të rinovojë dhe kërkon të luaj rregullisht, por duke parë ofertat e shumta, drejtuesit mund ta sakrifikojnë në këtë sezon merkatoje.
Udinese, Sassuolo, Galatasaray, Everton dhe Crystal Palace, kanë shfaqur interes dhe janë gati të bëjnë një ofertë për 24-vjeçarin, i cili ka kontratë deri në vitin 2019 me Fiorentinën.
Edhe pas largimit të Kaliniç drejt Milanit, hapësira e Babacar te Fiorentina mbeti e limituar për shkak se trajneri Stefano Pioli preferon si titullar sulmuesin tjetër, Simeone, i ardhur këtë verë nga Genoa.
