Chelsea, pasi nuk ka arritur të sigurojë Edin Dzeko nga Roma, duket se është shumë afër nënshkrimit me sulmuesin e Arsenal Olivier Giroud. “Topçinjtë”, sipas shtypit anglez, kanë arritur marrëveshjen me Borussia Dortmund për Pierre-Emerick Aubameyang dhe trajneri Arsene Wenger ka vendosur ta lërë të lirë të largohet francezin.
Antonio Conte nuk ka qenë shumë i kënaqur me alternativat që ka pasur në sulm në këtës ezon dhe ka kërkuar një qendërsulmues shtatlartë për t’i lehtësuar punën Alvaro Morata-s, i cili nuk po kalon një moment të mirë.
Dzeko ka qenë shumë afër londinezëve, por operacioni ka dështuar në momentet e fundit, duke i hapur rrugën transferimit të Giroud në “Stamford Bridge” për 17 milionë euro.