Dukej sikur shokët e ekipit donin që ai të mos vuante aq shumë në fushën e lojës. Ta ruanin nga tifozët e revoltuar, ta mbronin. Tifozët e Schalke 04 janë treguar të paskrupullt me talentin që në fund të sezonit do të transferohet te Bayern.
Fërshëllimat kundër tij kapën shifrën 104 decibel, dhe një banderolë e madhe dukej gjatë 90 minutave në shkallët e stadiumit.
Vetëm dy herë ia pasuan topin Leon Goretzka-s gjatë gjithë pjesës së parë në ndeshjen e radhës në kampionat ndaj Hannover 96, kontaktin e tretë me topin e fitoi vetë pas ndërhyrjes që i bëri kundërshtarit.
Reagimi i tifozëve ishte i njëjtë me atë të parin kur komentatori i stadiumit po thoshte formacionin e ekipit dhe prezantoi lojtarin me numrin tetë.
Në momentin që iu tha emri filloi për të parën herë koncerti i fërshëllimave. Urrejtje në vend të shpresës.
Ai tashmë është kthyer në një person të padëshiruar te Schalke.
Edhe banderola ishte e rëndë: “As paraja, as titujt nuk kanë më shumë vlerë se klubi. Ai që nuk e vlerëson këtë gjë mund të zhduket.”
“Të zhduket” është përkthimi më i mirë që mund t’i bëhet asaj fjale, pasi është shumë herë më ofenduese.
Se si do të vazhdohet, nuk dihet. Por 4 muaj të tjerë kështu nuk është përgjigja. Schalke po mendon të lërë jashtë ekipit lojtarin për të mirën e tij dhe të klubit.
