Mesfushori shqiptar, Florent Hasani është futbollisti më i ri në ekipin e Diosgyorit.
Pas transferimit të Liridon Latifit tek ekipi i Pushkash në Hungari, Hasani do të jetë mesfushori shqiptar i rradhës që do të luajë në kampionatin hungarez.
Gjatë prezantimit të ish-mesfushorit të Trepçës, presidenti i Diosgyorit ka folur në superlativa për futbollistin.
“Kemi marrë lojtarin që u zgjodh më i miri në Kosovë për vitin 2017. Ky futbollist është teknikisht dinamik. Zgjedhja që bëri është ngritje e madhe në karrierën e tij.
Hasani do ta ndihmojë ekipin dhe besoj se me ardhjen e tij, loja jonë do të përmirësohet akoma më shumë”, është shprehur presidenti i Diosgyor, Tamas Bodog.