Mino Raiola, menaxheri i njohur i yjeve të futbollit, ka folur për një nga klientët e tij në një intervistë të dhënë për “RMC Sport”. Bëhet fjalë për sulmuesin e ri, Moise Kean, i cili është në pronësi të Juventus, por që është huazuar te Verona.
“Pellegri është shitur te Monaco për 30 milionë euro? Atëherë, Kean vlen 75 milionë. Për mendimin tim, ai është më i fortë se Pellegri dhe po paraqitet mirë prej tre vitesh tashmë”, ka thënë Raiola.
“Pellegri mund të përmirësohet akoma shumë, mund të bëhet një nga më të mirët në botë. Nëse do të arrijë të qëndrojë në nivele të larta, mund të thuhet se ka bërë një punë të mirë”.
