Mesut Ozil i ka dhënë fund zërave të merkatos dhe ka vendosur të lidhë të ardhmen e tij me Arsenal. Fantazisti gjerman, në fakt, ka rinovuar deri në 2021-in me “Topçinjtë” dhe, me 350.000 sterlina në javë, është bërë lojtari më i paguar në historinë e klubit.
29-vjeçari do të fitojë 19 milionë euro në sezon, gjashtë më pak nga sa i garantonte klubi kinez Guangzhou Evergrande. Aziatikët, sipas shtypit anglez mësohet t’i kenë bërë këtë super ofertë lojtarit për ta tunduar të transferohej në Kinë, por Ozil ka refezuar dhe ka pranuar ofertën më “të ulët”.
