Cristiano Ronaldo është një nga atletët më të paguar në botë me pothuajse 50 milionë të ardhura në vit. Një kontratë e pasur me Real Madrid dhe shumë sponsorizime të tjera përbëjnë rrogën vjetorë të futbollistit.
Portali “Football Leaks” ka zbuluar marrëveshjen e nënshkruar në 2012-ën mes kompanisë arabe të telekomunikimit Mobily dhe portugezit. Është zbuluar se për vetëm 4 orë punë, për një reklamë, ai ka fituar plot 1 milionë euro. Në kontratë janë përfshirë edhe klauzola të tjera, si ajo ku thuhet se Ronaldo duhet të veshë vetëm veshje të firmës Nike apo ajo ku secili prej drejtuesve të kompanisë duhej të merrte një fanellë të Portugalisë.
