Kalimi për herë të dytë në historinë e tij në grupet e Europa League e ka shpërblyer Skënderbeun jo vetëm financiarisht.
Skuadra shqiptare, që mbijetoi më gjatë se të tjerët në kupat kontinentale, e është kthyer në vitet e fundit një sinonim i suksesit të vendit tonë në futbollin ndërkombëtar, merr së fundmi edhe përgjigje pozitive nga statistikat.
Instituti Ndërkombëtar i Historisë dhe Statistikave në Futboll (IFFHS), në një formulë unike bazuar mbi rezultatet dhe ecurinë në turnetë ku kanë marrë pjesë, analizoi 400 klube, ku shihet se “Ujqërit e dëborës” kanë bërë një kërcim fantastik në renditje.
Skënderbeu ka grumbulluar plot 167 pikë në 12 muaj. Formacioni shqiptar ia ka dalë madje të lërë pas Olympiacosin e Pireut, një skuadër që është e pranishme çdo vit në turnetë europianë, apo edhe Lacion, kjo për shkak se bardhekaltrit nuk ia dolën të qëndrojnë gjatë në Europa League.
Skënderbeu ishte në vendin e 425-të në vitin 2016, praktikisht jashtë radarëve të IFFHS-së. Por ecuria e mirë dhe pikët e grumbulluara, si në Europë, ashtu edhe në Kategorinë Superiore, e futin tashmë mes gjigantëve kontinentalë. /TCH/
