Rafinha Alcantara, lojtari më i ri i Interit, do të duhet të punojë shumë nëse dëshiron të bëhet i rëndësishëm në skuadrën lombarde. Kjo u sqarua nga trajneri i tij i ri, Luciano Spalletti, në një deklaratë:
“Ne duhet të kujtojmë se ish-lojtari i Barcelonës ka pasur shumë pak minuta në këtë vit të fundit, për shkak të një lëndimi të pësuar në prill, në gjurin e tij të djathtë. Nuk mund të mendojmë se dikush që nuk ka luajtur në një vit e gjysmë të vijë dhe të rregullojë gjërat tek Interi. Ne jemi ata që duhet ta ndihmojmë dhe jo anasjelltas”.
Merkatoja e dimrit nuk është mbyllur ende, aq më pak për Interin, gjë të cilën trajneri zikaltër e bëri të qartë: “Ne do të dëshironim që të kishim lojtarë të tjerë me nivel të mjaftueshëm, që të konkurrojmë për diçka të rëndësishme”.
