Shkëlqim Demhasaj është duke kaluar një super formë me klubin zviceran të Luzernit. Pas golit të shënuar ndaj Shangahit ku aktivizohen futbollistë me emër si Hulk, Oskar etj, 21-vjeçari gjeti sërish rrugën e rrjetës, kësaj herë në takimin miqësor ndaj skuadrës kampione të Rusisë, Lokomotiva e Moskës.
Demhasaj e nisi ndeshjen nga stoli, teksa në minutën e 83-t shënoi golin e tretë për Luzernin. Zviceranët e fituan takimin me rezultatin e pastër 3-0.
Kujtojmë se në të njëjtën skuadër me sulmuesin 21-vjeçar aktivizohet edhe mesfushori i përfaqësueses së Kosovës, Hekuran Kryeziu, i cili ditët e fundit ka përfunduar në “radarin” e Sampdorias.
