Skiatori norvegjez Aksel Lund Svindal fitoi sot garën e super-gjigandit për meshkuj të zhvilluar në pistën austriake të Kitzbuhel, e vlefshme për Kupën e Botës.
Një paraqitje e shkëlqyer e norvegjezit, që pas dy zbritjesh dha kohën e përgjithshme 1’30”72, duke qenë më i shpejti në pistë edhe pse kushtet atmosferike nuk ishin të mira. Kjo detyroi organziatorët të shkurtonin distancën e pistës.
Në vendin e dytë u rendit një tjetër skiator norvegjez, Kjetil Jansrud, ndërsa në të tretin u klasifikua austriaku Matthias Mayer.
Për sa i përket renditjes së përgjithshme të Kupës së Botës, asnjë ndryshim në krye të saj, ku ndodhet austriaku Marcel Hirscher, me 974 pikë. Pas tij vijojnë të renditen tri skiatorë norvegjezë: Kristoffersen (800 pikë), Jansrud (639 pikë) dhe Svindal (634 pikë).
