Hamburgu i Mërgim Mavrajt gaboi dje në shtëpi duke humbur 0-2 kundër Koln-it të vendit të fundit që solli përkeqësimin e mëtejshëm të situatës pasi më shumë se kurrë skuadra rrezikon të rrëzohet nga “Bundesliga”.
Në përfundim të takimit tifozët të inatosur i kërkuan llogari futbollistëve ndër të cilëve edhe Mavrajt që në këtë sfidë mbante shiritin e kapitenit. Ashtu si pjesa tjetër e skuadrës, edhe shqiptari gaboi shumë gjatë ndeshjes, ndërhyrje jo të sakta dhe pasa që nuk gjenin kurrë objektivin.
Në përfundim të ndeshjes Mërgim Mavraj për mediat u shpreh:
“Sa e trishtë! E kuptojmë reagimin e tifozëve, por sigurisht që është keqardhje për një futbollist kur nuk arrin të kënaqë tifozët me paraqitjen e tij. Kjo na mërzit shumë. Nuk kam çfarë të them më shumë se kaq rreth kësaj teme”, tha mbrojtësi i përfaqësueses shqiptare.
