Valverde është i lumtur me përmbysjen sensacionale të Barcelonës kundër Real Sociedad, duke thënë “jemi të vështirë për t’u mposhtur”.
Nga 2:0 në 2:4, Barcelona ka përmbysi rezultatin ndaj Real Sociedad, për të treguar se ky është sezoni i saj. Në xhiron e 19’të, Barça rrëmbeu pikët e plota në një stadium që nuk fitonte në kuadër të La Ligas që prej vitit 2007, “Anoeta”.
Natyrisht se për këtë rezultat dhe paraqitje është i lumtur edhe trajneri, Ernesto Valverde, që ka krijuar edhe më shumë bindjen se ekipi i tij është i vështirë për t’u mposhtur.
“Besuam deri në fund dhe në pjesën e dytë bëmë paraqitje fantastike, për dallim nga e para ku ishin ata dominues”, u shpreh Valverde.
“Ka shumë ndeshje të vështira në kampionat dhe nuk mund të humbnisim shumë pikë, jo në këtë sfidë. Luftuam dhe treguam karakterin tonë, treguam shpirt skuadre – jemi të vështirë për t’u mposhtur”, shtoi ai.
