Tifogrupi “Tirona Fanatics” nuk ka qenë sot i pranishëm në shkallët e stadiumit “Selman Stërmasi”, edhe pse Tirana u rikthye me ndeshjet në Kategorinë e Parë.

Siç njoftojnë edhe në Facebook, ata kanë shkuar deri tek dera e stadiumit, por policia i ka kërkuar kartat e identitetit, dhe të gjithë kanë vendosur të mos jenë pjesë e stadiumit, prej kësaj kërkese.

Gjithashtu, ata kishin përgatitur edhe një banderolë ndaj presidentit Halili, të cilën në pamundësi për ta shpalosur brenda stadiumit, e kanë hapur teksa gjendeshin të gjithë grup, në sheshin “Skënderbej”.

Postimi i plotë në Facebook i “Tirona Fanatics”.

“Tirona Fanatics, sot, ka vendosur te mos hyj ne stadium, per shkak se ne momentin e mberritjes se kortezhit tek dera e stadiumit na eshte komunikuar kerkesa per karte identiteti, kerkese kjo qe bie ndesh me parimet dhe rregullat e tifogrupit.

Rregulla dhe parime qe jane ndjekur me fanatizem qe prej dates se pare te krijimit!

Ne kurrsesi nuk do te ndalojme ketu, PERKUNDRAZI!

Me poshte eshte video e paraqitjes se sotme.

Bashke mo te forte

Tirona Fanatics est06”.