Talenti premtues i Bordeaux, braziliani Malcom, është fotografuar në një avion së bashku me të dashurën e tij Leticia Pereira, por nuk dihet se ku po udhëton çifti. Futbollisti, për të cilin Bordeaux kërkon 50 milionë euro, ka nisur një udhëtim, 24 orë pasi skuadra e tij fitoi 1-0 në Nantes, por destinacioni mbetet sekret. 20-vjeçari ishte edhe në shoqërinë e shokut Matheus Pereira dhe të fejuarës së tij dhe gjithçka është publikuar nga futbollisti në “Instagram”.
Më vonë, në vazhdimin e ditës, menaxheri i Malcom, Luis Fenando Menezes Garcia, takoi ish-futbollistin e Corinthians duket shtuar dyshimet për të ardhmen e ti. Tottenham dhe Arsenal janë klubet londineze të interesuara për lojtarin, por duke qenë se “topçinjtë” presin të marrin shërbimet e Henrik Mkhitaryan, atëherë mendohet se 20-vjeçari mund të shkojë te skuadra e Pochettino. Malcom luajti për 90 minuta në ndeshjen e fundit të Ligue 1, ku Bordeuax fitoi me golin e shënuar nga Nicolas De Preville.
