Mesut Ozil e ka nënshkruar një kontratë të re trevjeçare e gjysmë dhe do të mbetet lojtar i Arsenalit deri në verën e vitit 2021.
Mesfushori gjerman është bërë lojtari më i paguar në histori të klubit, pasi do t’i fitojë plot 397 mijë euro në javë, transmeton Express.
Marrëveshja, e nënshkruar sot, vjen pas plot muajve spekulime rreth të ardhmes së përfaqësuesit gjerman, kontrata e kaluar e së cilit do të skadonte në fund të këtij sezoni.
29-vjeçari iu bashkua “Topçinjve” nga Real Madridi në vitin 2013 për një rekord të atëhershëm për klubin, 48 milionë euro.
