Juan Mata e ka zgjatur kontratën me Manchester Unitedin për edhe një vit, njofton klubi në faqen e vet zyrtare në Twitter.
Mesfushori spanjoll e ka zgjatur kontratën me klubin deri në vitin 2019 dhe ka thënë se është i lumtur dhe krenar që është pjesë e Manchester Unitedit, transmeton Express.
Në një intervistë për Man United TV, Mata ka thënë se është i lumtur që po qëndron deh se shpreson do të qëndron edhe për shumë vite tjera.
“Jam i lumtur dhe krenar që jam pjesë e këtij klubi. Mendoj se çdo person që është pjesë e Manchester Unitedit duhet të ndihet i privilegjuar, kështu ndihem unë”, ka thënë Mata.
Ndërkohë, trajneri Jose Mourinho e ka quajtur Matan lojtar të rëndësishëm për të dhe për klubin.
