Massimiliano Allegri beson se Juventus ka mundësi që të kalojë në raundin tjetër të Ligës së Kampionëve
Trajneri i Juventusit, Massimiliano Allegri është i kënaqur me paraqitjen e futbollistëve të tij, por jo edhe me rezultatin 2:2 ndaj Tottenhamit.
Por, ai nuk është i shqetësuar, sepse beson se ka lojtarët e duhur për të kaluar tutje në këtë garë.
“Ishte ndeshje e mirë, Juventus bëri pak gabime dhe këto shkaku i presionit”, tha Allegri për Mediaset Premium.
“Mëkat që nuk fituam, por ne kemi gjithçka për të kaluar në çerekfinale”, u shpreh ai në fund.
Ndeshja e kthimit ndërmjet këtyre dy skuadrave do të zhvillohet më 18 mars në Wembley të Londrës.
