Andrija Zivkovic do të jetë një nga emrat më të lakuar të merkatos së ardhshme në Europë. Talenti serb, që po shkëlqen me Benficën këtë sezon, ka tërhequr vëmendjen e shumë klubeve të mëdha në Angli, Spanjë dhe Itali.
21-vjeçari mund të mbulojë shumë pozicione në mesfushë dhe së fundmi është vëzhguar nga Liverpool, PSG, Dortmund dhe Juventus.
Në 18 ndeshje Zivkoviç ka shënuar 2 gola dhe ka dhënë 4 asiste, ndërsa Benfica pret sa më shumë klube të interesuara për të biseduar në verë me synimin e një ankandi të vërtetë për të arkëtuar sa më shumë për talentin 21-vjeçar.