Skuadra e Pep Guardiolës ka fituar titullin e parë të këtij sezoni. Manchester City në finale të Carabao Cup ka mposhtur Arsenalin me rezultatin e pastër 3-0.
Golat për Cityn i shënuan Sergio Aguero, Vincent Kompany dhe David Silva.
Në këtë takim nga fillimi për Arsenalin luajtën edhe Shkodran Mustafi dhe Granit Xhaka, të cilët nuk arritën të bëjnë mjaftueshëm për të ndihmuar skuadrën e tyre të fitojë këtë titull.
City është shumë pranë titullit të Premierligës po ashtu dhe është pothuajse në çerekfinale të Ligës së Kampionëve, pas fitores 4-0 në ndeshjen e parë ndaj Baselit.
