Opsioni i një shkëmbimi Morata-Donnarumma midis Chelsea-t dhe Milanit riaktivizohet. Pak më shumë se një muaj më parë “Corriere dello Sport” vuri në dukje këtë mundësi dhe tani “Tuttosport” këmbëngul për të. Sipas gazetës së Torinos, emisarët nga Milano kanë pyetur kohët e fundit për situatën e sulmuesit në Chelsea duke treguar interes për të nënshkruar me spanjollin. Morata ka lënë një shenjë të mirë në Serie A pas aventurës së tij te Juventusi. Shkëmbimi mund të fillojë marshimin për të lehtësuar largimin e Courtois në Real Madrid. Me tre javë para se të mbyllet merkato në Premier League (të enjten më 9 gusht), Chelsea ka bërë vetëm një afrim dhe ai është Jorginho, i cili vendos të braktiste Man City për t’u bashkuar me blutë e Londrës.
Një konjukturë e brendshme, por që do të kishte efekte anësore në ligat e tjera evropiane. Chelsea kërkon të ketë një zëvendësues për Courtois para se të lehtësojë largimin e tij. Lëvizjet e tij deri tani nuk kanë qenë të suksesshme. Një nga qëllimet e Chelsea, Alisson, është gati të mbyllë nënshkrimin e tij për Liverpool-in. Opsioni i ardhjes së Donnarumma do të mbulonte vendin e lirë në portë dhe do të zhbllokonte largimin e belgut drejt Real Madridit. Milan kërkon një sulm të fortë dhe Morata ka marrë vlerësimin e kuqezinjve, megjithatë largimi i Donnarumma do t’i dobësonte shumë dhe këtë fakt “Djalli” e di shumë mirë. Mbetet të shihet se çfarë do të ndodhë në orët e ardhshme, por një lëvijze e tillë ka gjasa të realizohet, me anglezët që do të dalin të fituar.
