Merkatoja është mbyllur po në media po qarkullojnë zëra se Wenger do të largohet nga Arsenali dhe në vendin e tij do të vijë Joachim Low.
Llogaria “AFCAMDEN” në rrjetin social Twitter, që vazhdimisht njofton për të rejat rreth Arsenalit, është duke raportuar për një ndryshim madhështor që është duke u përgatitur në Emirates.
“Ekipi i menaxhimit është duke punuar në një strategji për largimin e Wengerit këtë verë, pavarësisht asaj që ndodhë gjatë këtij sezoni. Joachim Low është zgjedhja e parë dhe vlerësohet si një zëvendësues i Wenger pas Kampionatit Botëror”
Sa i përket anës pozitive, Loë sigurisht i njeh disa nga lojtarët kryesor të Arsenalit, përfshirë Mesut Ozilin dhe mbrojtësin shqiptar Shkodran Mustafi, për shkak të detyrës së tyre te skuadra kombëtare e Gjermanisë.
Megjithatë, Low ka qenë jashtë skenës së klubit për më shumë se një dekadë. Në fakt, detyra e tij e fundit si një trajner i një klubi ishte në Austria Vienna në vitin 2004.
