Atletico Madrid vijon të ruajë ritmin e Barcelonës kryesuese, teksa ka mposhtur pasditen e sotme Athletic Bilbaon me rezultatin 2-0.
Në “Wanda Metropolitana” nuk ishte një sfidë aspak e lehtë për skuadrën e Simeones, që zhbllokoi rezultatin vetëm në pjesën e dytë, pas golit të shënuar nga Gameiro.
Në minutën e 80-të ishte sërish Kevin Gameiro që asistoi për Diego Costën dhe ky i fundit dërgoi topin në rrjetë për herë të dytë, duke i dhënë qetësi madrilenëve.
Me këtë fitore, Atletico mbetet në vendin e dytë me 55 pikë, 7 më pak se Barça kryesuese.
