Sulmuesi i Paris Saint-Germainit, Neymar, do të mungojë të paktën gjashtë javë dhe do ta humbasë ndeshjen e kthimit ndaj Real Madridit të martën e ardhshme në 1/8 e finales të Ligës së Kampionëve kundër Real Madridit, sipas babait të tij.
Braziliani, 26-vjeçar, pësoi ndrydhje në nyje dhe thyerje të ashtit të pestë metatarsal në nyje në fitoren e PSG-së ndaj Marseilles të dielën që lamë pas.
Trajneri i PSG-së, Unai Emery, ka thënë se Neymari ka shanse të vogla për t’u përballur me Realin, duke i hedhur poshtë lajmet se atij i duhet të operohet.
Por, Neymar Sr ka thënë se PSG-ja e di që nuk do të jetë në gjendje të llogarisë në birin e tij.
“Tretmani mjekësor do të zgjasë gjashtë deri në tetë javë, qoftë me operacion apo jo”, ka thënë ai për ESPN Brasil.
