Fitorja 3-1 e ndeshjes së parë të një faze me eliminim direkt të Ligës së Kampioneve, në teori duhet të jetë sinonim i kualifikimit të kryer, por jo gjithmonë ndodh kështu. Gjatë gjithë historisë së vet, Real Madrid e ka arritur një rezultat të tillë, 3-1, në ndeshjen e parë, nëntë herë, duke qenë në gjendje për të kaluar në raundin e ardhshëm pesë herë. Ai që nuk e ka kapërcyer dot ishte pikërisht ndeshja e kthimit kundër… PSG-së.
Bëhet fjalë për sezonin 1992-1993, në çerekfinale të Kupës UEFA, kur Real Madridi shkoi pothuajse triumfues në “Parc des Princes”, kundër PSG-së, pasi në shtëpi e kishte fituar ndeshjen e parë 3-1, falë golave të Butragueno, Zamorano dhe Michel me penallti.
Fusha e blertë tregoi se ai avantazh ishte i pamjaftueshëm, pasi ansambli parizien qe në gjendje për ta përmbysur, falë golave të Weah, Ginola, Valdo dhe Kombouare. Edhe pse ky nuk është precedenti i vetëm, që Real Madridi është eliminuar, kur e ka arritur këtë rezultat, 3-1, në ndeshjen e parë, edhe pse ka rënë tri herë më shumë, pas një fitoreje 3-1 në ndeshjen e parë, deri në një total prej pesë rastesh, galaktikët mbajnë rolin udhëheqës dhe do të shkojnë në ndeshjen e kthimit të avantazhuar. Rasti i fundit ishte kundër Napolit, sezonin e kaluar, duke përsëritur të njëjtin rezultat në ndeshjen e dytë.