Mënyra e re për të parë Bayernin, vjen suita në Allianz Arena.
Klubi i Bajernit të Mynihut në bashkëpunim me zinxhirin e hoteleve “Marriott” kanë mbyllur një marrëveshje për të krijuar dhoma luksoze brenda ambienteve të stadiumit.
Pra, miqtë dhe personazhet “VIP” mund të gëzojnë shfaqjen e ekipit gjerman nga shtrati i tyre i rehatshëm i hotelit.
Punimet për ndërtimin e hotelit brenda stadiumit do të përfundojnë në verën e vitit 2019.
Bajerni është ekipi i parë që provon një eksperiencë të tillë. Të njëjtën gjë ka menduar të realizojë edhe Reali i Madridit.
