Frika e madhe te Juventusi duket se ka kaluar. Cristiano Ronaldo, ylli i ekipit dhe lideri i bardhezinjve këtë sezon, është rikthyer të stërvitet me pjesën tjetër të grupit. Pasi ditën e mërkurë u stërvit i veçuar dhe duket se kishte probleme muskulore, prania e portugezit në fushë në supersfidën ndaj Napolit në “San Paolo” nuk është më në diskutim.
Ekzaminimet kanë përjashtuar probleme dhe nëse nuk do të rikthehet dhimbja në kavilje, trajneri Alegri do ta grumbullonte për të dielën në mbrëmje, përballë skuadrës së Carlo Ancelottit. Në ndeshjen e vajtjes, portugezi ishte deçiziv, duke hedhur “firmën” e tij në fitoren 3-1 në Torino.
Këtë sezon, Ronaldo ka realizuar me Juventusin 19 gola në Serie A, në 25 ndeshje, ndërsa vetëm 1 gol në Champions dhe rrjetën deçizive që i dha mundësi bardhezinjve të triumfonin në Xhedah në Superfinalen e Kupës së Italisë, ndaj Milanit.