Nejmar ka mbushur 26 vjeç: dhe, me rastin e ditëlindjes, duket se sulmuesi ka bërë paqe me Barcelonën, ish-klubin e tij, që e ka uruar lojtarin në profilin zyrtar të “Twitter”. Palët u ndanë në mënyrën më të keqe të mundshme kur braziliani kaloi te PSG-ja për 222 milionë euro verën e kaluar dhe (shkurtimisht) kërkoi disa para që i takonin me të drejtë.
Por tani, në mënyrë të befasishme, klubi katalanas i ka bërë urimet me një video ku shfaqen disa prej momenteve më të mira të lojtarit në ndeshjen e luajtur mes Barçës dhe Elkes, kur “O’Ney” ishte akoma një lojtar “blaugrana”.
SHUMË MIQ DHE… NJË “FENOMEN” – Ndërkohë, në Paris është zhvilluar një festë e madhe për ditëlindjen e lojtarit më të shtrenjtë të historisë së futbollit. Ai ka festuar me familjen e tij, të fejuarën Bruna Markezin dhe shokët e skuadrës të PSG-së: muzikë, karaoke dhe kërcime të shfrenuar në prani të “Fenomenit” Ronaldo dhe shokut të tij te kombëtarja e Brazilit, Gabriel Zhezus.