Ish-trajneri i Real Madridit, Zinedine Zidane, shfaqet në këtë video hipur mbi një barkë turistike, gjatë lundrimit në det, ku duket se po i vijon pushimet. Bashkë me të është edhe gruaja, e cila ka në dorë celularin dhe prej tij përhapet himni i Ligës së Kampionëve, që intonohet para çdo ndeshjeje të këtij kompeticioni.
Francezi i mirënjohur, që fitoi tre Champions radhazi në stolin e “Los Blancos”, nga drejtimi i të cilëve u largua verën e këtij viti, bën një reagim të çuditshëm teksa dëgjon himnin e garës më të lakmuar nga klubet në Europë. Ai gati sa “mban barkun me dorë”, sepse nuk e ndalon dot të qeshurën.