Trajneri italian, Maurizio Sarri, këtë sezon është duke e drejtuar Napolin drejt titullit të Serie A, ku kryeson kampionatin me një pikë më shumë se sa Juventusi.
Kjo ka bërë që shumë skuadra të interesohen për shërbimet e tij.
Fillimisht Chelsea dhe Atletico Madrid ishin vënë pas tij, ndërsa tashmë në garë kanë hyrë edhe Real Madrid dhe PSG.
Reali e sheh Sarrin si zëvendësues të Zinedine Zidane, që po kalon momente shumë të dobëta këtë sezon.
Në anën tjetër PSG ka njoftuar më herët se sezonin e ardhshëm do të bëjë ndryshime dhe Sarri shihet si trajneri ideal.
Sarri me kontratën aktuale në Napoli përfiton vetëm 1.4 milionë euro, por i është ofruar kontratë e re prej 8 milionësh.