Dashuri, dashuri, shumë dashuri. Konferenca për shtyp e Gennaro Gattuso para ndeshjes Milan-Sampdoria jeton edhe mes kësaj, batuta humori dhe seriozitet. “Unë mendoj se duhet të jeni të qetë me Cutrone. Nuk duhet të bëjmë krahasime ose të flasim për të si një futbollist i kombëtares. Duhet të punojë, të punojë, të punojë dhe më pas të pushojë, të pushojë, të pushojë. Uroj të gjejë një të fejuar të bukur dhe të qëndrojë në shtëpi gjatë kohës së lirë. Duhet të mendojë si të mbajë regjim dhe të bëj dashuri.”
Thëniet serioze janë për Milan. Në 24 orët e fundit është folur për një ofertë të ardhur nga një klub i huaj për Gattuso, i cili nuk e fsheh por anulon çdo mundësi. “Për mua është vetëm Milan dhe nesër është Sampdoria. Problemi i fundit për drejtuesit duhet të jem unë. Falënderoj Mirabelli dhe Fassone që kanë besuar tek unë. Mund të më telefonojnë dhe të më ofrojnë çfarë të duan. Uroj të qëndroj këtu sa më gjatë të jetë e mundur. Në të ardhmen mund të drejtoj edhe ekipin U-15 nëse ata duan.”
Në lidhje me ofertën e ardhur, Gattuso zbulon tratativat me Mirabelli: “Kur vendosa të tërhiqem nga futbolli, Galliani më telefononte në orën 1 të natës për të më bindur të futesha te stafi i Allegri ose të merrja të rinjtë. Të njëjtën gjë bëri edhe Mirabelli. Për 15 ditë mora 20 telefonata në ditë prej tij, pavarësisht se u takuam personalisht 7-8 herë. Ai e di mirë se unë do të qëndroj te Milan përgjithmonë nëse do të jetë në dorën time. Jam gati ta rinovoj kontratën për sezonin e ardhshëm edhe me 31 gusht.”
