Juventusi arriti të eliminonte Atalantën dhe të shkonte në finalen e Kupës së Italisë.Takimi kthyes i gjysmëfinaleve u mbyll me fitoren 0-1 të Juves me golin e shënuar me penallti nga Pjanic.
Por, trajneri Gasperini ka shprehur rezervat e tij për penalltinë e fituar nga Juventusi në deklaratën pas ndeshjes. “Mëkat që fituan atë penallti, sepse nuk ekzistonte”, tha Gasperini.
Juventusi është një ekip i madh, por ne e vumë shumë në vështirësi. Ata e merituan të fitonin, sepse kishin më shumë raste se ne. Jam i lumtur me ekipin, të shkosh në gjysmëfinalet e kupës së Italisë dhe të jesh aq afër së eliminuari Dortmundin janë gjera që na bëjnë shumë krenarë”, tha më tej ai.
