Legjenda braziliane, Juninho Pernambucano është kërcënuar me vdekje për shkak se ka kritikuar sulmuesin 45 milionësh të Real Madridit, Vinicius Junior
Gjatë komentit të ndeshjes Flamengo-Botafogo, Juninho kritikoi festimin e golit nga ana e Vinicius, duke thënë se ishte mungesë respekti ndaj kundërshtarit.
“Duhet respektuar ai që humb. Nëse është aq burrë sa për të bërë gjestin e qaramanit, duhet të bëhet burrë edhe për të folur para mediave. Nuk shoh askënd te Reali, skuadra e tij e ardhshme, që të bëjë gjeste të tilla. Nuk ishte e nevojshme ajo sjellje, aq më shumë me rezultatin 3-1”, tha Juninho për “Globo TV”.
Por, pas këtyre deklaratave, disa persona e kanë kërcënuar në Twitter ish-yllin e Lyon. Kjo ka bërë që Juninho, i cili i ka publikuar kërcënimet, të heqë dorë nga komenti i finales Flamengo-Boavista.
“Plehrë, do të të vras o bir k…”, shkruhej në një nga mesazhet.
