A do luajë më Messi për PSG? Kjo është pyetja që të gjithë tifozët ia bëjnë vetes.
Ylli argjentinas u pezullua me 2 ndeshje nga klubi për shkak se doli jashtë vendit pa marrë leje. Pezullimi ka irrituar tejmase “pleshtin” dhe vullneti i sulmuesit është të mos luajë më për parisienët.
Nuk është i këtij mendimi trajneri i kampionëve të Francës, Galtier. Përderisa janë edhe 5 javë kampionat dhe gara me Marseille mbetet e hapur, tekniku mendon se mund të llogarisë në shërbimet e Messit për 3 sfidat e fundit.
Duket si një luftë e brendshme dhe për të kuptuar të vërtetën, duhet të presim e të shohim. Aktualisht PSG ka +5 pikë më shumë se Marseille.
