Futbolli për femra në Shqipëri e Kosovë po zhvillohet kohët e fundit dhe talentet e reja po spikaten dita-ditës. Ashtu siç ka ndodhur edhe me Jehona Shalën.
Vetëm 16 vjeçe, ajo është talentja më e re e futbollit në qytetin e Prizrenit, është pjesë e ekipit U-16 të Lirisë së Prizrenit dhe gjithashtu e Kombëtares U-19 të Kosovës. Ëndrrat e saj i kapërcejnë edhe kufijtë e Kosovës.
Diçka që e dallon së tepërmi Jehonën, është ngjashmëria me futbollistin e njohur brazilian, Ronaldinho, por jo vetëm kaq, talenti i saj në fushë është i njëjtë me atë të Ronaldinho-s ndaj miqtë e saj shpesh e thërrasin: ‘Ronaldinho i Prizrenit’. Jehona synon të përkushtohet në këtë sport dhe të përfaqësoj Kosovën në rang kombëtar.